កក្រើកឆាកទៀតហើយ ! ក្រុមតារាចម្រៀង K-popដ៏ល្បីរបស់កូរ៉េ Rain និងHyunAមកកម្ពុជាជាថ្មី

រាធានីភ្នំពេញ ៖ ពេលវេលាទន្ទឹងរង់ចាំរបស់មហាជនកម្ពុជាបានមកដល់ហើយ ក្រោយស្ងាត់ៗតារាចម្រៀង K-popដ៏ល្បីលោក Rain និងកញ្ញា HyunA នឹងលេចវត្តមានជាថ្មីមកកម្ពុជា ដោយធ្វើគាំទ្រទប់អារម្មណ៍មិនបាន និងទន្ទឹងផ្លូវតារាចម្រៀងទាំងពីរដួងនេះ ។

ជាការពិតណាស់ តារាចម្រៀងទាំងពីរដួងនេះ មកកម្ពុជាក្នុងពេលតែមួយដោយខុសត្រូវគ្នាតែបន្តិចប៉ុណ្ណោះ បើយោងតាមគណនី K-pop world បានអោយដឹងថា « តារាចម្រៀង K-Pop, HyunA និង Rain នឹងធ្វើដំណើរមកដល់ប្រទេសកម្ពុជានៅយប់នេះ Rain និង HyunA ចុះមកដល់ខ្មែរម៉ោងខុសគ្នាបន្តិចដោយ Rain នឹងមកដល់មុន HyunA Rain នឹងមកដល់ព្រលានយន្តហោះភ្នំពេញមុនដោយលោកចុះមកដល់ម៉ោង 9:30 យប់នេះ HyunA នឹងមកដល់ព្រលានយន្តហោះភ្នំពេញក្រោយ ដោយនាងចុះមកដល់ម៉ោង 10:25 យប់នេះ» ។

គួរបញ្ជាក់ដែរថា កាលពីកន្លងទៅតារាចម្រៀងលោក Rain បានមកកម្ពុជាកាលពីឆ្នាំ២០១៧ នៅកោះពេជ្រ ។ ក្នុងនោះដែរ ក្រោយការមកដល់វត្តរបស់កំពូលតារាចម្រៀងទាំងពីរនោះមហាជនកម្ពុជាខ្លះបានលោកឡើងថា « See you tomorrow my King and Queen of K Pop » និងខ្លះទៀតបាននិយាយថា« រំភើបខ្លាំងណាស់ រង់ចាំយូរហើយ My idol Rain and HyunA » ។ និងខ្លះទៀតលើកឡើងថា« ពេលវេលាកម្រដឹងតែកក្រើកទៀតហើយ Rain my Idol in heart » ។

បើងាកមកក្រុមសមឆាកវិញក៏មិនធម្មតានោះដែរ ក្រោយរូបភាពខ្លះៗត្រូវចែករំលែកដោយគាំទ្រ ពោលពិតជាធំ ហើយមិនធ្លាប់ពីមុនមកនៅកម្ពុជា ទាំងសម្តែងក៏ដូចជា បច្ចេកទេសផ្សេងៗនោះ ។ តារាចម្រៀង កញ្ញា HyunA ត្រូវបានគេដឹងថា កញ្ញាជាតារាចម្រៀង អ្នកនិពន្ធបទចម្រៀងអ្នករ៉េប និងជាតារាម៉ូដែលដ៏ល្បីរបស់កូរ៉េខាងត្បូងនោះ ។

កញ្ញាបានបង្ហាញខ្លួនជាលើកដំបូងជាសមាជិកក្រុមនារី Wonder Girls ក្នុងខែកុម្ភៈ ឆ្នាំ 2007 ។ បន្ទាប់ពីចាកចេញពីក្រុមនេះមិនយូរប៉ុន្មាន Hyuna បានចាកចេញពី JYP Entertainment ហើយបានចូលរួមជាមួយក្រុមចម្រៀងនារី 4Minute ក្រោមផលិតកម្ម Cube Entertainment ។

ក្រុម 4Minute បានបង្ហាញខ្លួនដំបូងក្នុងខែមិថុនា ឆ្នាំ 2009 ហើយបានបន្តក្លាយជាក្រុមចម្រៀងស្រីដ៏ពេញនិយមបំផុតមួយក្នុងប្រទេស ។ បើងាកមកតារាចម្រៀងប្រុសសង្ហាលោក Rainវិញ គឺជាតារាចម្រៀង អ្នកនិពន្ធ ចម្រៀងអ្នករាំតារាសម្តែង និងជាអ្នកផលិតករ ។ លោកបានសម្តែងរឿងដំបូងដែលចំណងជើងថា « Let’s go to school »ឆ្នាំ២០០៣ ហើយចាប់តាំងពីពេលនោះលោកក៏ទទួលបានប្រជាប្រិយភាពជាហូរហែល៕