ឯកឧត្តម ស សុខា និងលោកជំទាវ អញ្ជើញបិទការប្រកួតបាល់ទះពានរង្វាន់ឯកឧត្តម ស សុខា ឆ្នាំ២០២៣
ភ្នំពេញ ៖ ល្ងាចថ្ងៃទី៦ ខែសីហា ឆ្នាំ២០២៣ ឯកឧត្តម ស សុខា អនុប្រធានសហព័ន្ធកីឡាបាល់ទះកម្ពុជា ជាតំណាងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ប្រធានសហព័ន្ធកីឡាបាល់ទះកម្ពុជា និងលោកជំទាវ កែ សួនសុភី ស សុខា បានអញ្ជើញជាអធិបតីពិធីបិទការប្រកួតកីឡាបាល់ទះ ពានរង្វាន់ឯកឧត្តម ស សុខា ឆ្នាំ២០២៣ (Sar Sokha Challenge Cup 2023) នៅពហុកីឡដ្ឋានជាតិអូឡាំពិក។
បន្ទាប់ពីឆ្លងកាត់ការប្រកួតជាច្រើនថ្ងៃមក ជ័យលាភីលេខ១ បានទៅលើក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ ជ័យលាភូលេខ២ បានទៅលើសមាគមកីឡាបាល់ទះ វិសាខា និងជ័យលាភីលេខ៣ បានទៅលើក្លិបកីឡាបាល់ទះបញ្ជាការដ្ឋានអង្គរក្ស។
សូមបញ្ជាក់ជូនថា ការប្រកួតពានរង្វាន់ឯកឧត្តម ស សុខា ឆ្នាំ២០២៣ នេះ គឺជាពានលើកដំបូង ដែលមានការចូលរួមពីសមាគម ក្លិប ចំនួន ៩ រួមមាន ៖ សមាគមកីឡាបាល់ទះ វិសាខា, ក្លិបកីឡាបាល់ទះរដ្ឋបាលរាជធានីភ្នំពេញ, ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ, ក្លិបកីឡាបាល់ទះស្នងការដ្ឋាននគរបាលខេត្តបាត់ដំបង, ក្លិបកីឡាបាល់ទះស្នងការដ្ឋាននគរបាលខេត្តត្បូងឃ្មុំ, ក្លិបបាល់ទះរិទ្ធិសែនកីឡាខេត្តកំពង់ឆ្នាំង, ក្លិបកីឡាបាល់ទះខេត្តតាកែវ, ក្លិបកងពលធំអន្តរាគមន៍លេខ៣ និងក្លិបកីឡាបាល់ទះបញ្ជាការដ្ឋានអង្គរក្ស៕
![](https://blogger.googleusercontent.com/img/b/R29vZ2xl/AVvXsEgQm2zlviergRujG2GmE_jCGbskxAfAitDDhqI-ZLkhFZ0oiZPPi5J0k-E05RVQF9-UsTGJpLNIhkl-OvVjXe1CKN84N1_HJ2Daq-WmYu8xO9vgf1AON9f0lZ-BskZNW_0ehoK7ee8Hre2Gvn1q7rATZDJ1cLWiRjEKB_A9iqAXZifZ3vZxhdW6dAuTOXhf/s16000/photo_2023-08-06_23-21-28.jpg)
![](https://blogger.googleusercontent.com/img/b/R29vZ2xl/AVvXsEgs6A3ctYcleQMSv_EdGG23jBYj7M1djigv4-EmrjpRIiQz5H3oZnfd7l9-V95rjoMX730fAFaRyzr_zfQGjpXd37PnyiNRK402O_FQbD8zVt-BC75AMm5FKLbZbXp8IQ9XFXO0nlLoqbSvYgcAeb_SN3v5CNPRUIOV0RsQ5WlbG-oScyykUCnk9F969rey/s16000/photo_2023-08-06_23-21-27.jpg)
Post a Comment